SAN LUIS MEATEGIRAINO
Meategiko bidexkak Bankako herria zeharkatzen du eta San Luis meategiraino jausten da. Bisita librean edo bisita gidatuan egin daiteke. Aldiz, San Luis mea-ziloan bisita gidatuaren bidez bakarrik sar daiteke. Barku bati esker, erreka zeharkatzen da eta mea-ziloan argi eta soinu animazio bat proposatua zaizue. Bukatzeko, Olhaberri zentrora itzultzen gira XIX. mendeko errestoen ondotik pasatuz.
Bisita gidatuak
Bisita gidatuak 2024ko apirila hastapenetik, azaro bukaeraraino eginen dira. Hauxe da ibilbide guzia : Olhaberri interpretazio zentroa bisitatu eta, kanpora goaz eta herria zeharkatzen dugu San Luis meategiraino.
Maiatz – ekaineko bisita gidatuen ordutegiak:
Asteazkena : 10:30
Ostegun – ostirala : 14:00
Larunbata, 10:30 eta 14:00
KASU! Bisitarik ez maiatzaren 1,2 eta 8an.
INTERPRETAZIO ZENTROA
Ostatu-tabernaren ordutegietan bisita librean eta urririk deskubritzen ahal da.
PREZIOAK
Helduentzat: 7€
12-18 urtekoentzat, ikasleentzat eta langabetuentzat: 4€
-12 urtekoentzat: urririk
Talde prezioa: 4€
Talde batentzat erreserbatu nahi duzu? Xehetasunak: 06 75 72 96 08.
Bisitak 2 oren irauten ditu, 1.5 kilometroko luzera du eta 150 metroko desnibela. Ekar mendiko zapetak !
Bidexka bi partetan zatitzen da: Lehena, meatzariaren bidexka, San Luis meategira doana, kobrearen ustiaketaren inguruan. Bigarrena, aztarnen bidexka, XIX. mendeko burdin fabrika handiaren azken eraikinen ondotik pasatzen dena.
Errekaren bestaldean den San Luis meategira heltzeko, barku xarmant hau erabiliko dugu.
XVIII. eta XIX. mendeetan egur ikatza ibarreko burdinola eta makineria ezberdinak elikatzen zituen erregaia da, ikaztegiak garaiko oihanen elementu arruntak ziren.
1760. hamarkadan instalatu ur errotaren kaiola meategiaren parean ikus daitekeen eraikina da. Makineria hau, meategia 30 metrorainoko sakoneran lehortzeko baliatua zen, hots, galerietatik ura kentzeko.